Nigerian Singer Portable Dating Olori Dami, Late Alaafin Oyo’s Wife
Naija Street Singer Portable Break Silence on Top Rumour Say Im Dey Chook Eye For Late Alaafin of Oyo Wife, Queen Dami
Di Naija street music sensation, Habeeb Okikiola, wey everybody know as Portable don finally break silence on top di jist wey don dey fly around say im dey parol with the late Alaafin of Oyo wife, Olori Queen Dami.
Some days ago na NG first carry the tori enter air say dem hear rumour say Queen Dami, wey bin be wife of the former Alaafin of Oyo, don dey see face to face with Portable, even sef after Portable just marry one Nollywood actress.
Another blogger wey be real aproko king for this side con follow join mouth for the tori. Gist Lover carry come out screenshots of the kind sweet sweet words wey Portable and Queen Dami dey throw give each other for social media. The way dem dey call each other “my king” and “my queen”, plus all the love emojis wey dem dey use, e sure me say no be ordinary eye dem dey use see each other.
Now ehn, Portable don finally decide to clear the air as people don dey talk plenty. For one ogbonge interview wey dem run on top Honest Bunch Podcast, Portable talk say true true, something dey between him and the queen.
However, Portable, wey be father of five pikin, talk say make people no dey twist matter. Say e no be him get the pikin wey Queen Dami get. E yarn say before the king, Alaafin of Oyo kpai, Queen Dami na just one of his big fans.
NEDU: Did you sleep with Alaafin of Oyo’s wife?
PORTABLE: pic.twitter.com/XyPUJZdlvq
— 🐬 @𝗼𝗻𝗲𝗷𝗼𝗯𝗹𝗲𝘀𝘀𝗯𝗼𝘆 (@OneJoblessBoy) August 14, 2023
E talk say na after the king die things come change, but say e no dey that kind level to dey chase another man wife.
“No be lie, the pikin na for the Alaafin of Oyo. Queen Dami na my number one fan from day one, but as the king don die, you sabi say after king na king. If the king still dey alive, you no go see me near her. I no dey run after person wife,” na so Portable put am.
This kind tori ehn, e don scatter everywhere and many people don dey carry am for head like gala for holdup. Di way Portable dey blow for music industry now, e sure me say no be only this kind gist we go dey hear about am. But as e be, na him know wetin dey cook for inside the pot of soup.
As for Queen Dami, many people dey wonder how she wan continue now wey her husband don waka and this kind rumour dey fly about. But you sabi say Naija people get way to mind their business once another hot gist come out.
But this particular gist still dey hot like firewood ehn! Many fans dey watch to see wetin go come out next. Who go talk again, who go show face, who go run? But as e dey hot, we go dey here dey give una the koko.
So, if you wan know how the tori go end or if another one go start, no change channel. Keep am locked here for more yeye celebrity gist and updates. And remember, if you no hear am from us, then e no happen. So till we meet again, make una dey safe and keep una ear for ground!
